ပါမောက္ခချုပ်ဆရာတော် ဘုရား သက်တော် (၈၅) နှစ်ပြည့် အထိမ်းအမှတ်
ပါမောက္ခချုပ်ဆရာတော် ဘုရား သက်တော် (၈၅) နှစ်ပြည့် အထိမ်းအမှတ် ဝိဇာတ ဂုဏပူဇာ အခမ်းအနားတွင် ဆရာတော် ဘုရား မိန့်ကြားသည့် ကိုယ်မွေးဖွားရာ ကြီးပြင်းရာ လောက ကို အကျိုးပြုတဲ့သူသာ ဖြစ်ရမယ် လောက ကို ဖျက်စီးတဲ့ လောက ရဲ့ မီးကျီးခဲ မဖြစ်စေရ ဟု မိန့်ကြား သည့် မွေးနေ့ အမှတ်တရ ဩဝါဒ ကထာနှင့် အနယ်နယ်အရပ်ရပ်က လာရောက်ကြသည့် တပည့် ဒါယကာ ဒါယိကာများ သံဃာ အပါး (၁၀၀၀) သံဃဒါန ဆွမ်းဆန်စိမ်း လောင်းလှူခဲ့ကြသည့်မှတ်တမ်းဓာတ်ပုံများ
🔷ကုသိုလ်ရှင်များရဲ့ကုသိုလ်တွေ လာသမျှ ပရိတ်သတ် အားလုံးတို့ က မိမိကိုယ် စီ ရဲ့ ရင်ထဲမှာ ဖြစ်တဲ့ ဆန္ဒ အားလျော်စွာ ကုသိုလ်ကောင်းမှု ပြုလုပ်ကြတာ ဖြစ်ပါတယ် အားလုံးကုသိုလ်ရတဲ့ပွဲပါပဲ
🔷သူ့ထက်ငါ အားတက်သရော သံဃ ဒါန ဆွမ်းကြီးလောင်းကြတယ် မိမိတို့ တတ်နိုင်သမျှ ရရှိကြတဲ့ ပစ္စည်းဉစ္စာထဲက ခွဲဝေပြီးတော့ သံဃာတွေကို လှူဒါန်းတယ် ၊ တရားဓမ္မကို ပူဇော်ကြတယ် အလားလုံး ကုသ်ုလ် ရကြတဲ့ ဝိဇာတ ဆိုတဲ့ “မွေးဖွားလာခြင်း တရား” ပုည မင်္ဂလာ “လာရောက်ကြတဲ့ ပရိတ်သတ် အားလုံးရဲ့ ကုသ်ုလ် ရကြတဲ့ ပွဲ” လို့ ဆိုလိုတယ်။
ဒါကြောင့် ကောင်းကျိုးချမ်းသာကို လိုလားတဲ့ အနေနဲ့ အနေနဲ့ ပြောကြားတဲ့ မေတ္တာစကား လူတိုင်းရဲ့ ရင်ထဲမှာ ဒီနေ့ ကုသိုလ်တွေ ဖြစ်ကြပြီ ဒီနေ့ ကိုယ် စီ ရင်ထဲမှာ ဖြစ်တဲ့ ကုသ်ုလ်တရားတွေဟာ က်ုယ် ပိုင် တာပဲ ဖြစ်တယ် ကိုယ် နဲ့နဲ့ သက်ဆိုင်တာပဲဖြစ်တယ်
ရင်ထဲ မှာ ဖြစ်တဲ့ ကုသ်ုလ် အတိုင်း အတာ ချင်းတော့ မတူ နိုင် ဘူး
မိမိရဲ့ ကိုယ် ကာယ က်ု အသုံးပြုပြီး လုပ်အား ဒါန ပြုကြသူတွေကအစ ဝေယျာဝိဇ ကုသိုလ် ပြုကြတဲ့ ပုဂ္ဂိုလ်တွေအားလုံး ကုသိုလ်ရကြတဲ့ နေ့ပဲ ဖြစ်ပါတယ်
မွေးနေ့ အမှတ်တရ ဩဝါဒ အနေနဲ့ ကတော့
🔹လောက မှာ လူရယ်လို့ ဖြစ်လာတဲ့ အခါမှာ လူတိုင်းလူတိုင်းဟာ မွေးဖွားလာကြတာမှာ တချို့ လူတွေက ကိုယ်ကျင့်တရား မရှိကြဘူး ကိုယ်ကျင့်တရား ပျက်ပြားကြတယ် မှန်ကန်တဲ့ အမြင် မရှိကြဘူး…မှား ယွင်းတဲ့ အမြင်တွေ အတွေးတွေ ရှိကြတယ်…အဲ့လို သူတွေက လူ့ဘဝ လူလောကထဲမှာမွေးဖွားလာပြီးတော့ လူသားတွေကို အကျိုးမပြု လောက ကို အကျိုးမပြု ဆွေမျိုးဉာတိတွေကို အကျိုးမပြု ပဲနဲ့ ဖျက်ဆီးတဲ့ ပုဂ္ဂိုလ်မျိုးကလည်း ရှိပါတယ်.. နော်..
အဲလိုလူမျိုးကို ဆွေမျိုးရဲ့ မီးကျီးခဲ လို့ ခေါ်ပါတယ် ဆွေမျိုးထဲမှာပါလာတဲ့ မီးတောက် မီးကျီးခဲ လို့ဆိုလိုတယ်
🔹ဘာနဲ့ အဓိပ္ပါယ်တူသလဲဆိုရင် ပုဆိန်ရိုး ဆိုတဲ့ အသုံးစကား နဲ့ အလားသဏ္ဌာန်တူတယ် ကုလင်္ဂါရ ( ကုလ+အင်္ဂါရ) ကုလ(အမျိုး)၊ အင်္ဂါရ
( မီးကျီးခဲဲ) ဆိုတဲ့ အသုံးက စာပေကျမ်းဂန်မှာရှိတယ် ပါဆိန်ရိုးရဲ့ အဓိပ္ပါယ်က ပုဆိန်ကို အရိုးတပ်ပေးလိုက်ရင် အဲဒီ အရိုးဘယ်က ရသလဲ ဆိုရင် သစ်ပင်ကပဲရတယ်….
ပုဆိန်က သူ့ဟာသူ သစ်ပင် ကို မဖြတ် နိုင်ဘူး.. ပုဆိန်ကို သစ်ပင် က ရတဲ့ ပုဆိန်းရိုးကို တပ်ပေးလိုက်ရင် သူ့ကို အကြောင်းပြုပြီး သစ်ပင်ကြီးက လဲသွားရတယ် …သစ်ပင်ကြီး အခုတ်ခံလိုက်ရတယ်
အဲဒီ အဓိပ္ပါယ်ကိုပြော တာ
🔹အဲဒီလိုပဲ လောကကြီးမှာ မွေးဖွားပြီးလောက ကြီးကို ဖျက်စီးတဲ့ သူ ကို ကုလင်္ဂါရ ( ကုလ+အင်္ဂါရ)
ကုလ(အမျိုး)၊ အင်္ဂါရ
( မီးကျီးခဲဲ) လို့ခေါ်တယ် လောကကြီးထဲမှာပဲ မွေးဖွား လာတယ် က်ုယ်မွေးဖွားလာတဲ့ လောကကြီးကိုပဲ ပြန် ဖျက်စီးတယ်
🔹အမျိုးရဲ့ မီးကျီးခဲ တနည်း အားဖြင့် လောက မီးကျီးခဲ ….တောမီးတွေကိုပဲကြည့်လိုက် သစ်ပင်ကို အစွဲပြုလောင်တဲ့မီးက သစ်ပင်ကိုပဲ ပြန်ဖျက်စီးတယ်
ကိုယ်မွေးဖွားလာတဲ့ ကိုယ့်ရဲ့ တည်ရာ ဖြစ်တဲ့ လောကကြီး ကို ပြန်ဖျက်စီးတတ်တဲ့သူ ဟာ ရှိတယ် ဆိုနာ သတိပြုကြရမှာ ဖြစ်တယ် အဲတော့ ဘုန်းကြီးတို့တတွေ အဲလို ပုဂ္ဂိုလ်မျိုးမဖြစ်အောင်သတိဆောင်ကြရမှာ ဖြစ်တယ် ..နော်..
🔹ကိုယ်က လောကကြီးမှာ မွေးလာပြီးတော့ လောက ကို ဖျက်စီးတဲ့ ပုဂ္ဂိုလ် မဖြစ်ပါစေနဲ့
🔷နောက်တစ်ခုက လောကကြီးမှာ မွေးဖွားလာပြီး ကိုယ်ကျင့်တရား ကောင်းတယ် မှန်ကန်တဲ့ အမြင်ရှိတဲ့ ပုဂ္ဂိုလ် တစ်ယောက်ဟာ ချီးမွမ်း ဖွယ်ရာ ဂုဏ်ကျေးဇူးတွေ နဲ့ ပိုင်ဆိုင်သူ ဖြစ်တယ်
လောကကြီးကို ချမ်းသာစေဖို့ ပေးအပ်တဲ့ ပုဂ္ဂိုလ်မျိုးဖြစ်တယ် ကိုယ်မွေးဖွားရာ လောကကြီးကို အကျိုးပြုစေတဲ့ ပုဂ္ဂိုလ် ဖြစ်တယ်
ရှင်းရှင်းပြောရမယ်ဆိုရင်
လောက မှာ မွေးဖွားပြီး လောက ကို ဖျက်စီးတဲ့ပုဂ္ဂိုလ် နဲ့
လောက မှာ မွေးဖွားပြီး လောက ကို အကျိုးပြုတဲ့ပုဂ္ဂိုလ် နှစ်မျိုးမှာ
ကိုယ် က
လောက မှာ မွေးဖွားပြီး လောက ကို အကျိုးပြုတဲ့ပုဂ္ဂိုလ် ပဲဖြစ်အောင် လုပ်ရမယ် လောက ကို ဖျက်စီးတဲ့ပုဂ္ဂိုလ် မဖြစ်စေရဘူး….ပုဆိန်ရိုးမဖြစ်စေနဲ့… လောက မီးခဲ မဖြစ်စေနဲ့ …အဲလို ဆိုလိုတယ်နော်
🔹မြတ်စွာဘုရားကို ကြည့် မြတ်စွာဘုရား ဟာလောက မှာ မွေးဖွားလာတဲ့သူပဲ လောက မှာ မွေးဖွားလာတဲ့ လောက မှာ ကြီးပြင်းလာတယ်
သီလဂုဏ် သမာဓိဂုဏ် ပညာ ဂုဏ်တို့ ဘယ်သူမှ လိုက်မမှီအောင် လောက ကို ကျော်တက်တဲ့ အရည်အချင်းရှိတယ်
မြတ်စွာဘုရားက လောက မှာ မွေးဖွားလာပေမယ့် လောက မှာ ကြီးပြင်းလာပေမယ့် လောက အပေါ်မှာ တွယ်တာတက်မက် ခြင်း မုန်းတီးခြင်းမရှိဘူး
တနည်းပြောရရင် လောကကြီးကို တွယ်တာမှု မရှိ လောကကြီးကို သူ့ အတွက် အသုံးချတာ မရှိဘူး လို့ပြောရမယ်…
လူတွေက လောကကြီးကို ကိုယ့်အတွက် အသုံးချသွားကြသော်လည်း
မြတ်စွာဘုရားက လောကကြီးကို သူ့ အတွက် အသုံးမချဘူး မဖျက်စီးဘူး
🔹ဉပမာ ဘာနဲ့တူသလဲဆိုရင် ကြာပန်း ဉပမာနဲ့တူတယ် ရေထဲမှာ ပွင့်တဲ့ ကြာပန်းဟာ ရေထဲမှာ ပွင့်တယ် ရေထဲမှာကြီးတယ် ရေမျက်နှာပြင်ပေါ်မှာ မြင့်တက်သွားတယ် ပြီးတော့ ရေကန်ကြီးတစ်ခုလုံးကို လှပသွားအောင်လုပ်တယ် သူ့ကို အကြောင်းပြုပြီးရေကန်ကြီးက လှပသွားတယ် အဲတာ ဘုရားဆိုတဲ့ ပုဂ္ဂုလ်မြတ်ပါပဲ
လောက ကို အသုံးမချဘူး လောကကို အရုပ်ဆိုး အကျည်းတန်ဖြစ်အောင်မလုပ်ဘူး …..အဲဒီ အဆင့်မရောက်ရင်တောင် ဘုန်းကြီးတို့ဘာလုပ်ရမလဲ …ဆိုတော့
🔹လူတော်လူကောင်းတစ်ယောက် လောကထဲမှာ မှာ မွေးဖွားလာပြီဆိုရင် အများအတွက် အကျိုးဖြစ်ရမယ် အများကောင်းဖို့ အများချမ်းသာဖို့ အများအဆင်ပြေဖို့ အတွက် ဖြစ်စေတယ်
အဲဒီမှာ “အများ”ဆိုတာ ဘယ်သုတွေလဲဆိုတော့
🔹လူကောင်းတစ်ယောက် ပေါ်ထွန်းလာပြီဆိုရင် မိဘ အတွက် အကျိုးဖြစ်ထွန်းတယ်
🔹အိမ်ထောင်ရက်သား ကျရင်လည်း သားမယား အတွက် အကျိုးဖြစ်ထွန်းတယ် မိသားစုအတွက်လည်း အကျိုးဖြစ်ထွန်းတယ်
🔹အိမ်မှာနေတဲ့ အခါမှာလည်း ကိုယ့်ကို အမှီပြုပြီးနေတဲ့ ဝန်ထမ်း ကိုယ့်ကို အမှီပြုပြီးနေကြတဲ့ ပုဂ္ဂိုလ်တွေကိုလည်း အကျိုးပြုတယ်
ခုခေတ် ကုမ္ပဏီထူထောင်ထားကြပြီးလုပ်ထားကြတာမှာ ဝန်ထမ်းတွေကို ထမင်းကျွေးထားတာ တာ သောင်းချီရှိတယ် ….
လောကကြီးကို အကျိုးပြုတယ်ခေါ်တယ်..နော်..
🔹နောက်တစ်ခါ မိတ်ဆွေ အပေါင်းအသင်းတွေကိုလည်း အကျိုးပြုတယ်
🔹ကိုယ့်ဆွေတွေမျိုးတွေထဲကလည်း ကွယ်လွန် အနိစ္စရောက်သွားတဲ့ပုဂ္ဂိုလ်တွေကိုလည်း ကုသိုလ် လုပ် အမျှအတမ်းပေးဝေတယ် အဲလို အမျှအတမ်းပေးဝေခြင်းဖြင့်လည်း ကွယ်လွန်သွားတဲ့ပုဂ္ဂိုလ်တွေကိုလည်း အကျိုးပြုတယ်
🔹တိုင်းပြည် အုပ်ချုပ်တဲ့ မင်းကိုလည်း အခွန် အခ တိုးတက်စေလို့ တိုင်းပြည့်ကို အကျိုးပြုတယ်
အစိုးရကိုလည်း အကျိုးပြုတယ်
🔹နောက်တစ်ခါ နတ်တွေကိုလည်း ကုသိုလ်ကောင်းမှုလုပ်ပြီး အမျှ အတမ်း ဝေသည့် အတွက် အကျိုးပြုတယ်
🔹နောက်ဆုံးတစ်ခုက ဘာသာတရားဟောပြောပေးတဲ့ပုဂ္ဂိုလ်တွေ ကို ဘာသာတရား ကျင့်ကြံ့ အားထုတ်ကြတဲ့ပုဂ္ဂိုလ်တွေ သမဏဗြာဟ္မဏာ တွေကိုလည်း အကျိုးပြုတယ်
……(၈) ခု နော် အဲဒီလိုမျိုးဖြစ်ျအာင်ကျိုးစားရမယ်လို့ပြောတာ ဖြစ်တယ်
🔹မွေးဖွားလာတဲ့အခါမှာ ကိုယ်က လောကကြီးကို အကျိုးပြုတဲ့ ပုဂ္ဂုလ် ဖြစ်အောင်ကျိုးစားကြပါ
လူတိုင်း လူတိုင်းမွေးနေ့ရှိကြတယ် မွေးလာတဲ့ အခါမှာလောကကြီးကို ဘယ်လောက် အကျိုးပြုကြသလဲ ကိုယ့်အတွက် မစဉ်းစားပဲလောက အတွက် စဉ်းစားပါ…
လောက ဆိုတာ ပတ်ဝန်းကျင်က်ုပြောတာ.. ပတ်ဝန်းကျင်က်ု အကျိုးဖြစ်အောင် အကျိုးပြုအောင် လုပ်ပါ…
လောက ကြီးရဲ့ မီးခဲတော့ မဖြစ်ပါစေနဲ့ ပုဆိန်ရိုးတော့မဖြစ်ပါစေနဲ့ ကိုယ်တတ်နိုင်တဲ့ အတိုင်းအတာအရ လောကကို အကျိုးပြုတဲ့သူဖြစ်ရမယ်…လောက ကို အကျိုးပြုနိုင်ဆုံးကတော့ ဘုရားပဲ ကျန်တဲ့သူတွေက အဲ့လောက်မလုပ်နိုင်ဘူး..
🔹လောက ကို အကျိုးပြုတဲ့သူသာ ဖြစ်ရမယ် လောက ကို ဖျက်စီးတဲ့ လောက ရဲ့ မီးကျီးခဲ မဖြစ်ပါစေနဲ့ အဲတာလေးမှတ်သားပြီးတော့ လိုက်နာ ကျင့်သုံးနိုင်ကြပါစေ
ပါမောက္ခချုပ်ဆရာတော်
၁၃/၀၃/၂၀၂၅
ပါမောက္ခချုပ်ဆရာတော်ဘုရားကြီး၏
သက်တော် (၈၅)နှစ်ပြည့် ဝိဇာတ ပုညမင်္ဂလာဩဝါဒ အား အသံ ဖိုင်မှ ရေးသားပူဇော်သည်။
