University of Wisdom Land

ပညာဘူမိ သင်ကြားရေး

သုတေသနပါရဂူဘွဲ့(သုတဓမ္မဝိဘာဝီ)(Ph.d)

တိမ်မြုပ်ပျောက်ကွယ်နေသော တိမ်မြုပ်ပျောက်ကွယ် လုနီးပါး ဖြစ်နေသော မြန်မာနိုင်ငံဖြစ် ပါဠိကျမ်းစာများ မြန်မာနိုင်ငံရောက်ရှိပြီး ပါဠိကျမ်းစာများအား အသေးစိတ် လေ့လာသူများ၊ အရည်အသွေးမြင့် သုတေသနပါရဂူများ ပိုမိုများပြားတိုးတက်လာစေရေး၊ မြန်မာပြည် အနှံ့ရှိနေကြသည့် ရဟန်းသံဃာများအနေဖြင့် တတ်မြောက်ထားရှိပြီးသည့် အဆင့်များမှ ရှေ့တိုးတတ်မြောက် လာစေရန် ရည်သန်၍ ပညာဘူမိတက္ကသိုလ် သုတေသနပါရဂူဘွဲ့ (သုတဓမ္မဝိဘာဝီ) (Doctor of Philosophy, Ph.D) ဘွဲ့အပ်နှင်းခြင်း အစီအစဉ်ကို ပြဌာန်းလိုက်သည်။

(၁) သုတေသနပါရဂူဘွဲ့ (သုတဓမ္မဝိဘာဝီ) (Ph.D) ဘွဲ့အတွက် တက်ရောက်လိုသူများသည် ပညာရှင် Board အဖွဲ့မှချထား ပေးသောခေါင်းစဉ်များအနက် မိမိတင်သွင်းလိုသော သုတေသနကျမ်းစာကို ရွေးချယ်တင်သွင်းနိုင်သည်။

(၂) တင်သွင်းသောကျမ်းစာသည် အနည်းဆုံးစာမျက်နှာ(၃၀၀) ခန့် ရှိရန်လည်း လိုအပ်သည်။

(၃) တင်သွင်းလိုသောကျမ်းကို ပါဠိဘာသာ(သို့) မြန်မာဘာသာ(သို့) အင်္ဂလိပ်ဘာသာဖြင့် ရေးသားရမည်။

(၄) ကျမ်းဦးအမှာစာရေးသားရာ၌ (က) ကျမ်းအမည်၊ (ခ) ကျမ်းပြုသူအမည်၊ (ဂ) ကျမ်းရေးသားပုံ၊ (ဃ) ကျမ်း၏အကျိုးကျေးဇူးများပါရှိသောကျမ်းသမိုင်းနှင့် မိမိ၏ ကြိုးပမ်းအားထုတ်မှုကို ဖေါ်ပြရမည်။

(၅) သုတေသနပါရဂူဘွဲ့အတွက် ကျမ်းတင်သွင်းသူများ၏ ကြိုးပမ်းအားထုတ်မှု ယှဉ်ပြိုင်မှုများဖြင့် တင်သွင်းလာသည့်ကျမ်းစာများအ နက် သုတေသနပြုလုပ်မှု ဆိုင်ရာ အကောင်းမွန်ဆုံးကျမ်းများကို သုတေသနပါရဂူ ပညာရှင်များက အကဲဖြတ်ရွေးချယ်မည်။ အကဲဖြတ်ရွေးချယ်ရာတွင် သုတေသနကျမ်းစာ တင်သွင်းသောပုဂ္ဂိုလ်၏ ကျွမ်းကျင်မှုတည်းဖြတ်ရာ၌ ကြိုးပမ်းအားထုတ်မှုများကို အကဲဖြတ်နိုင်ရန် ပါရဂူဘွဲ့ပညာရှင်များ၏ သဘောထားမှတ်ချက်များဖြင့် အကဲဖြတ် စစ်ဆေးမည်။

(၆) သုတေသန ကျမ်းတင်သွင်းသူ၏ ကျမ်းစာကို ပါရဂူဘွဲ့ပညာရှင်များ၏ ရွေးချယ်ခြင်းမခံရပါက ပြုစုထားသော ကျမ်းစာကိုပင် ပိုမို ကောင်းမွန်စေရန် ပြုပြင်ခြင်း (သို့) ထပ်မံချထားပေးမည့် ကျမ်းခေါင်းစဉ်ဖြင့် ထပ်မံ တင်သွင်းနိုင်ရန် အကြောင်းကြားမည်။

(၇) သုတေသန ပါရဂူပညာရှင်များ၏ သဘောထားမှတ်ချက်နှင့်အညီ ရွေးချယ်ခြင်းခံရပါက ရွေးချယ်ခံရသောကျမ်းနှင့် တင်သွင်း သည့်ပုဂ္ဂိုလ်၏အမည်ကို ထုတ်ပြန်ကြေငြာမည်။

(၈) ထိုကဲ့သို့ သတ်မှတ်ထားသောကျမ်းကို အရည်အချင်းပြည့်မှီစွာ တင်သွင်းနိုင်သောပုဂ္ဂိုလ်အား ပါဠိဘာသာဖြင့် သုတဓမ္မဝိဘာဝီ၊ အင်္ဂလိပ်ဘာသာဖြင့် Doctor of Philosophy (Ph.D) သုတေသနပါရဂူဘွဲ့ အပ်နှင်းရမည်။

အသေးစိတ် သိလိုသည်များကို မေးမြန်းရန် (Course Related Enquiries)

ပညာဘူမိတက္ကသိုလ် - ပညာဘူမိဝိသိဋ္ဌမဟာဝိဇ္ဇာလယ University of Wisdom Land၊ ရန်ကုန်-မန္တလေးအမြန်လမ်း၊ ၇ မိုင် ၆ ဖာလုံ၊ လှည်းကူးမြို့နယ်၊ ရန်ကုန်တိုင်းဒေသကြီး၊ မြန်မာ

enquiries@universitywisdomland.edu.mm

+959 788955566