University of Wisdom Land

ပညာဘူမိ သင်ကြားရေး

ပါဠိစာပေပါရဂူ(ပါဠိသတ္တဝိဘာဝီ)(Doctor of Literature, D.Litt) ဘွဲ့အပ်နှင်းခြင်း အစီအစဉ်

မြန်မာနိုင်ငံ၌ တိမ်မြုပ်ပျောက်ကွယ်နေသော၊ တိမ်မြုပ်ပျောက်ကွယ်လု နီးပါးဖြစ်နေသော ပါဠိကျမ်းစာဟောင်းများ၊ မူရင်းသက္ကတဘာသာမှ ပါဠိပြန်ဆိုသော ပါဠိကျမ်းစာသစ် များပေါ်ထွက်စေရန်ရည်သန်၍ ပညာဘူမိတက္ကသိုလ် ပါဠိစာပေပါရဂူဘွဲ့ (ပါဠိသတ္ထဝိဘာဝီ) (Doctor of Literature, D.Litt) ဘွဲ့အပ်နှင်းခြင်း အစီအစဉ်ကို ပြဌာန်းလိုက်သည်။

(၁) ပါဠိစာပေပါရဂူဘွဲ့အတွက် တင်သွင်းလိုသော ပါဠိကျမ်းစာသည် မတည်းဖြတ်ရသေးသော ရှေးဟောင်းပုံနှိပ်မူ (သို့) ပေမူ ဖြစ်ရမည်။

(၂) တင်သွင်းသောကျမ်းစာသည် အနည်းဆုံးစာမျက်နှာ(၂၀၀) ခန့် ရှိရမည်။

(၃) ပါဠိကျမ်းဟောင်းကို သုတ်သင်တည်းဖြတ်ရာ၌ (က) အထားအသို အဖြတ်အတောက် မှန်ကန်စွာတည်းဖြတ်ခြင်း၊ (ခ) မူကွဲများ၊ ကျမ်းကိုးများ မိမိပြင်ဆင်လိုသော ပါဠိပဒများကို အောက်ခြေ၌ဖော်ပြခြင်း၊ (ဂ) မှတ်ချက်များရေးသားလိုပါက ပါဠိဘာသာဖြင့်သာ ရေးသားဖော်ပြခြင်း ပြုရမည်။

(၄) မိမိတင်သွင်းလိုသော ကျမ်းတွင် ကျမ်းဦးအမှာစကားကို ပါဠိဘာသာဖြင့် ရေးသားရမည်။ ကျမ်းဦးအမှာစာရေးသားရာ၌ ပိဏ္ဍတ္ထ (၅) မျိုးကိုအခြေခံ၍ (က) ကျမ်းအမည်၊ (ခ) ကျမ်းပြုသူအမည်၊ (ဂ) ကျမ်းရေးသားပုံ၊ (ဃ) ကျမ်း၏ အကျိုးကျေးဇူးနှင့်အတူ မိမိ၏ ကြိုးပမ်းအားထုတ်မှုကို ဖော်ပြရမည်။

(၅) တင်သွင်းထားသောကျမ်းကို တင်သွင်းသောပုဂ္ဂိုလ်၏ ပါဠိဘာသာကျွမ်းကျင်မှု တည်းဖြတ်ရာ၌ ကြိုးပမ်းအားထုတ်မှုများကို အကဲဖြတ်နိုင်ရန် ပါဠိပညာရှင်များ၏ သဘောထားမှတ်ချက်များ ရယူရမည်။

(၆) ပါဠိပညာရှင်များ၏ သဘောထားမှတ်ချက်နှင့် အညီ ရွေးချယ်ခံရသောကျမ်းနှင့် တင်သွင်းပုဂ္ဂိုလ်၏ အမည်ကို ထုတ်ပြန်ကြေညာရမည်။

(၇) သတ်မှတ်ထားသောကျမ်းကို အရည်အချင်းပြည့်မှီစွာ တင်သွင်းနိုင်သောပုဂ္ဂိုလ်အား ပါဠိဘာသာဖြင့် ပါဠိသတ္တဝိဘာဂီ (ပါဠိကျမ်းတတ်ပညာရှင်) အင်္ဂလိပ်ဘာသာဖြင့် (Doctor of Literature, D.Litt) ပါဠိစာပေပါရဂူဘွဲ့ အပ်နှင်းရမည်။

အသေးစိတ် သိလိုသည်များကို မေးမြန်းရန် (Course Related Enquiries)

ပညာဘူမိတက္ကသိုလ် - ပညာဘူမိဝိသိဋ္ဌမဟာဝိဇ္ဇာလယ University of Wisdom Land၊ ရန်ကုန်-မန္တလေးအမြန်လမ်း၊ ၇ မိုင် ၆ ဖာလုံ၊ လှည်းကူးမြို့နယ်၊ ရန်ကုန်တိုင်းဒေသကြီး၊ မြန်မာ

enquiries@universitywisdomland.edu.mm

+959 788955566