University of Wisdom Land

ပညာဘူမိ သင်ကြားရေး

သုတဓမ္မဝေဒီ (M.A)

မြန်မာပြည်အနှံ့ ရှိနေကြသည့် ရဟန်းသံဃာများ အနေဖြင့် တတ်မြောက်ထားရှိပြီးသည့် အဆင့်များမှ ရှေ့တိုးတတ်မြောက်လာစေရန်နှင့် လူပုဂ္ဂိုလ်တို့အတွက် မြတ်ဗုဒ္ဓ၏ စစ်မှန်သောဓမ္မတို့ကို သေချာကျနစွာ နားလည်သဘောပေါက်ပြီး မိမိတို့၏စိတ်အစဉ်တွင် ဓမ္မအသိပညာများ၊ ကိန်းအောင် လိုက်နာကျင့်သုံး နေထိုင်ခြင်းဖြင့် လောကဓမ္မရေးရာ နှစ်ဖြာတို့တွင် ကောင်းကျိုးချမ်းသာများ ရရှိစေရန်ရည်သန်၍ ပညာဘူမိတက္ကသိုလ် သုတဓမ္မဝတီ (M.A) ဘွဲ့ အပ်နှင်းခြင်း အစီအစဉ်ကို ပြဌာန်းလိုက်သည်။

ပညာဘူမိတက္ကသိုလ် သုတဓမ္မဝေဒီ (M.A) မဟာဝိဇ္ဇာ ဘွဲ့ သုတေသနကျမ်းတင်သွင်းရာတွင်
လိုက်နာရမည့် မျက်နှာဖုံး (Guideline) နှင့် စာလုံး format များကို ထုတ်ပြန်အပ်ပါသည်။

၁။ ကျမ်းတင်သွင်းရာတွင် မြန်မာဘာသာ ဖြင့် ရေးသားတင်သွင်းရမည်ဖြစ်သည်။
၂။ စာမျက်နှာ အရေအတွက်မှာ မိမိကျရာ သုတေသနကျမ်း အလိုက်ပြည့်စုံသည်အထိ ပြုစုရေးသားရန် လိုအပ်သည်။
၃။ သုတေသနကျမ်းထုတ်ယူရန် ကျမ်းတင်သွင်းလိုသူ အားလုံးနီးပါး ကျမ်းထုတ်ယူပြီးဖြစ်ရာ ကျန်ရှိနေသူများ အနေဖြင့်လည်း ယခု ၂၀၂၃ ဧပြီလ ၃၀ ရက် နေ့ အထိ နောက်ဆုံး ထုတ်ယူနိုင်သည်။
၄။ ဝေးလံသောဒေသမှ ကျမ်းတင်သွင်းလိုသူများသည် ကျမ်းထုတ်ယူရန် ကိုယ်စားလှယ်လွှဲစာ နှင့် အတူ မှတ်ပုံတင် မိတ္တူ ပူးတွဲ တင်ပြရန်လိုအပ်ပါသည်။

Download Sample File

(၁) သုတဓမ္မဒီ (M.A) ဘွဲ့အတွက် တက်ရောက်လိုသည့် တက်ရောက်လိုသူများသည် တက္ကသိုလ်ပညာရှင် Board အဖွဲ့ချထား ပေးသည့် ကျမ်းမခေါင်းစဉ်များအနက် မိမိတင်သွင်းလိုသော သုတေသနကျမ်းစာကို ရွေးချယ်တင်သွင်းနိုင်သည်။

(၂) ပဠိစာပေ၊ အဋ္ဌကထာ၊ ဋီကာကျမ်းမျိုးစုံတို့မှ သုတေသနပြုလုပ်ရမည့် ကျမ်းခေါင်းစီးများကို နှစ်အလိုက်သီးခြားထုတ်ပြန်ပေးမည်။

(၃) တင်သွင်းသောကျမ်းစာသည် အနည်းဆုံးစာမျက်နှာ (၁၀ဝ) ခန့် ရှိရန်လည်းလိုအပ်သည်။

(၄) တင်သွင်းလိုသောကျမ်းကို ပါဠိဘာသာ (သို့) မြန်မာဘာသာ (သို့) အင်္ဂလိပ်ဘာသာဖြင့် ရေးသားရမည်။

(၅) ကျမ်းဦးအမှာစာရေးသားရာ၌ (က) ကျမ်းအမည်၊ (ခ) ကျမ်းပြုသူအမည်၊ (ဂ) ကျမ်းရေးသားပုံး (ဃ) ကျမ်း၏အကျိုးကျေးဇူးများပါရှိသော ကျမ်းသမိုင်းနှင့် မိမိ၏ကြိုးပမ်းအားထုတ်မှုကို ဖေါ်ပြရမည်။

(၆) သုတဓမ္မဒီ (M.A)ဘွဲ့အတွက် သုတသနကျမ်း တင်သွင်းသူများ၏ ကြိုးပမ်းအားထုတ်မှု ယှဉ်ပြိုင်မှုများဖြင့် တင်သွင်းလာသည့် ကျမ်းစာများအနက် အကောင်းမွန်ဆုံး ကျမ်းများကို ပညာရှင် Board အဖွဲ့က အကဲဖြတ်ရွေးချယ်မည်။ အကဲဖြတ်ရွေးချယ်ရာတွင် (M.A) ဘွဲ့ ကျမ်းစာတင်သွင်းသောပုဂ္ဂိုလ်၏ သုတေသနပြုလုပ်မှု ဆိုင်ရာကျွမ်းကျင်မှု ကြိုးပမ်းအားထုတ်မှု များကို အကဲဖြတ်နိုင်ရန် ပညာရှင် Board အဖွဲ့၏ သဘောထားမှတ်ချက်များဖြင့် အကဲဖြတ်စစ်ဆေးမည်။

(၇) (M.A) ဘွဲ့အတွက် ကျမ်းတင်သွင်းသူ၏ သုတေသနကျမ်းစာကို ပညာရှင် Board အဖွဲ့၏ ရွေးချယ်ခြင်းမပြုပါက ပြုစုလျက်ရှိသော ကျမ်းစာကိုပင် ပိုမိုကောင်းမွန်စေရန် ပြုပြင်ခြင်း (သို့) ထပ်မံချထားပေးမည့် ကျမ်းခေါင်းစဉ်ဖြင့် ထပ်မံ တင်သွင်းနိုင်ရန် အကြောင်းကြားမည်။

(၈) ပညာရှင် Board အဖွဲ့၏ သဘောထား ၊မှတ်ချက်နှင့်အညီ ရွေးချယ်ခံရပါက ရွေးချယ်ခံရသော ကျမ်းနှင့် တင်သွင်းပုဂ္ဂိုလ်၏ အမည်ကိုထုတ်ပြန်ကြေငြာမည်။

(၉) ထိုကဲ့သို့ သတ်မှတ်ထားသော ကျမ်းကို အရည်အချင်းပြည့်မှီစွာ တင်သွင်းနိုင်သောပုဂ္ဂိုလ်အား ပါဠိဘာသာဖြင့် သုတဓမ္မဒေဝီ အင်္ဂလိပ် ဘာသာဖြင့်(M.A) ဘွဲ့ကို အပ်နှင်းရမည်။

အသေးစိတ် သိလိုသည်များကို မေးမြန်းရန် (Course Related Enquiries)

ပညာဘူမိတက္ကသိုလ် - ပညာဘူမိဝိသိဋ္ဌမဟာဝိဇ္ဇာလယ University of Wisdom Land၊ ရန်ကုန်-မန္တလေးအမြန်လမ်း၊ ၇ မိုင် ၆ ဖာလုံ၊ လှည်းကူးမြို့နယ်၊ ရန်ကုန်တိုင်းဒေသကြီး၊ မြန်မာ

enquiries@universitywisdomland.edu.mm

+959 788955566