ပညာဘူမိတက္ကသိုလ် ဒုတိယ အကြိမ် သုတဓမ္မဒီပလိုမာ အပ်နှင်းပွဲ အခမ်းအနား
၂၀၂၅ ခုနှစ် ဖေဖေါ်ဝါရီလ ၁၅/၁၆ ရက်များတွင် ပညာဘူမိတက္ကသိုလ် ဒုတိယ အကြိမ် သုတဓမ္မဒီပလိုမာ အပ်နှင်းပွဲ အခမ်းအနား ကို တက္ကသိုလ် သဘာပတိဆရာတော်ဘုရား ကြီးကိုယ်တော်တိုင် ဦးဆောင် ကျင်းပ ပြုလုပ်ပေးတော်မူခဲ့သည်။
သုတဓမ္မစာမေးပွဲများကို မြန်မာပြည်အနှံ့ စာဖြေဌာန ၄၃ ခုဖြင့် ကျင်းပပြုလုပ်ခဲ့ပြီး အနယ်အနယ်အရပ်ရပ်မှ ဒုတိယ အကြိမ် အဖြစ် သုတဓမ္မဒီပလိုမာ ရရှိခဲ့သူ ၃၄၈၈ ဦး အား ဒီပလိုမာ အောင်လက်မှတ် ကို အပ်နှင်းခဲ့ခြင်းဖြစ်သည်။
“လုပ်ငန်းတစ်ခု က အောင်မြင်သွားမှ Result ကောင်းထွက်တယ်ခေါ်တယ် Result ကောင်းထွက်မှ အလုပ်ကောင်းလို့ ပြောရမှာဖြစ်တယ်” ဟု သဘာပတိဆရာတော်ဘုရားကြီးက ဒုတိယ အကြိမ် သုတဓမ္မ ဒီပလိုမာ အောင်လက်မှတ် ပေးအပ်ပွဲ အောင်မြင်စွာ ဆောင်ရွက် နိုင်ခဲ့ ခြင်းအပေါ် မှတ်ချက်ပြုမိန့်ကြားခဲ့သည်။
အဆိုပါ ဒီပလိုမာပေးအပ်ပွဲ အား ပညာဘူမိ တက္ကသိုလ် ဆရာတော် သံဃာ တော်များ၊ အနုဂ္ဂဟ အဖွဲ့ အလုပ်အမှုဆောင် များ၊ တပည့် ဒါယကာ ဒါယိကာမများ၊ လူငယ် လူရွယ် လုပ်အားပေး Volunteer များ အားလုံး တက်ညီလက်ညီ စုပေါင်းအားဖြင့် တတ်စွမ်းသည့် ဘက် မှ အား ဖြည့် ပါဝင်ခဲ့ကြသည်။
