အထက်မြန်မာပြည် သုတဓမ္မဂဝေသီ(BA) part (1) စာဖြေဌာန (SGG01-BA01) အဖြစ်ကျင်းပပြုလုပ်မည့် မဟာသုဗောဓာရုံကျောင်းတိုက် အကြောင်းကို အရှင်စန္ဒသိရီ(တာဝ) ရေးသားထားသည်ကိုဖေါ်ပြအပ်ပါသည်။
စစ်ကိုင်းမြို့ မဟာသုဗောဓာရုံကျောင်းတိုက်ဟာ
စစ်ကိုင်းတောင်ရိုးသို့သွားရာ တောင်ရိုးလမ်းရဲ့
လက်ျာဘက်မှာ တည်ရှိပါတယ်။ ရပ်ကွက်အနေနဲ့က
တော့ ထုံးဘိုရပ်ကွက်ထဲမှာပါပါတယ်။
“ညီနောင်ခြောက်ပါး၊ တည်ထောင်ထား၊
ထူးခြားသာသနာ သုဗောဓာ” လို့ဆိုတဲ့အတိုင်း
တစ်အူထုံ့ဆင်း ညီနောင်အရင်းချာ ရဟန်းတော်
(၆)ပါးတို့က တည်ထောင်ထားတဲ့ ကျောင်းတိုက်
ဖြစ်ပါတယ်။ ညီနောင်(၆)ပါးထဲမှာ ပါချုပ်ဆရာတော်
ကြီးက အငယ်ဆုံးပါ။ ၁၃၂၀-ပြည့်နှစ်၊ နယုန်လပြည့်
နေ့မှာ စတင်တည်ထောင်ခဲ့ပါတယ်။
ဒီကျောင်းတိုက်ကနေ သာမဏေကျော်၊ ပထမကျော်၊
အဂ္ဂမဟာအကျော်၊ ဓမ္မာစရိယ၊ အဘိဝံသ၊ ဝိဒူ၊မဟာဝိဒူ၊
တိပိဋကဓရ တိပိဋကကောဝိဒ၊ အဘိဓဇမဟာရဋ္ဌဂုရု၊
Ph.D ဘွဲ့ရများစွာ၊ ဓမ္မကထိက,စာရေးဆရာများစွာ
ပေါ်ထွက်ခဲ့ပါတယ်။
လွန်တော်မူသွားတဲ့ (၄၇)ဘွဲ့ရ စစ်ကိုင်းတိပိဋကဆရာ
တော်ဆိုရင်လည်း မူလတန်းကေနတိပိဋကပြီးတဲ့အထိ
ဒီကျောင်းတိုက်မှာပဲ ပညာသင်ယူခဲ့တာပါ။
လက်ရှိမှာ စာချစာသင် သံဃာတော်(၄၀၀)ဝန်းကျင်
သီတင်းသုံး သာသနာပြုလျက်ရှိပါတယ်…
မရောက်ဖူးသေးသူများ ကြည်ညိုသဒ္ဓါပွားနိုင်ရန်
ဦးဇင်းရိုက်ထားတဲ့ ကျောင်းတိုက်ကပုံရိပ်လေးတွေကို
ပြန်လည်မျှဝေပေးလိုက်ပါတယ် ….
#အရှင်စန္ဒသိရီ(တာဝ)
23-5-2024
